Шариғат бойынша істелуі ұнамды болған және Аллаға жақындататын істердің бірі ол- Уақып. Яғни, белгілі бір мүлікті (жарамсыз болып қалғанға дейін) үздіксіз қайырымдылық жолында пайдалануды Уақып деп атайды. Бүгін Жетісай аудандық «Нұғман» мешітінде ауданға қарасты мешіт имамдарына арнайы «Уақып-сарқылмас қазына» тақырыбында семинар өткізілді. Семинарды Жетісай аудандық «Нұғман» мешітінің «Уақып» қоры бөлімінің жауапты маманы Нұрлан Жакипов жүргізіп, атамлыш тақырып бойынша ақпараттық-түсіндірме жұмысын жасады. Н.Жакипов сөз барысында уақыптың мәні мен маңызы, онда қабылданатын мүліктер тізімімен таныстырып, алдағы уақытта бөлім жұмысын жандандыруға байланысты бірқатар ұсыныстарды тілге тиек етті. Семинар соңында мешіт имамдары тарапынан сұрақ-жауап өткізіліп, пікірлер тыңдалды.
