Түлкібас ауданында әр аптаның жұмасы аудан әкімі Асқар Естібаевтың тапсырмасымен «Таза Қазақстан» бастамасы аясында жалпыаудандық тазалық күні болып бекітілген. Осы орайда, кезекті рет аудан әкімдігіне қарасты 300-ге жуық мекеме қызметкерінің қатысуымен жалпыаудандық сенбілік өтті.
Шарада әр мекеме өзіне бекітілген аумақты, оның ішінде күре жол бойлары, демалыс орындары, аяқжолдарды күл-қоқыстан тазартып, қураған шөптерді орды. Сонымен қатар, елді мекен ішімен өтетін арық-атыздарды тазартып, кедергісіз су ағуына жағдай жасалды. Сенбілікке 10-ға жуық техника жұмылдырылып, күл-қоқыстар арнайы полигондарға жеткізілді.
Түркістан облысының Өңірлік коммуникациялар қызметі
