Қ.Тоқаев Қазақстан халқы Ассамблеясының алдағы кезеңдегі жұмысын жаңа бағыттағы гуманитарлық-идеологиялық тұжырымдама негізінде үйлестіріп жүргізу қажеттігіне тоқталып:» Басты назарды мен Атыраудағы Құрылтайда айтқан негізгі құндылықтарға аудар қажет — Тәуелсіздік пен Отаншылдық, Бірлік пен Ынтымақ,Білімділік пен Кәсіби шеберлік,Әділеттілік пен Жауапкершілік,Заң мен Тәртіп және Жаңашылдық пен Жасампаздық»,-деді.
Қоғамымыздағы жат және теріс қылықтармен күресте Қазақстан халқы Ассамблеясының атқарар рөлін жаңа тиімді деңгейге көтеру керек,ол үшін ҚХА-ның институционалды әлеуетін нығайту мақсатында оның барлық деңгейдегі мемлекеттік органдармен, құқық қорғау және сот органдарымен өзара байланысын күшейту қажеттігін айта келіп, Президент былай деді: «Жергілікті басқару органдарының басшылары кемінде екі айда бір рет этносаралық жағдай жайлы мәселені жиындарда қарап отыруы тиіс».
Мемлекет басшысы Қасым-ЖомартТоқаев сөзінің соңында халқымыздың амандығын,бірлігі мен ынтымағын тілеп,еліміздегі бірлік пен татулықты,келісім мен тұрақтылықты қамтамасыз ету барысында белсенділік танытып жүрген бірқатар азаматтарға мемлекеттік наградалар мен марапаттаулар табыс етті.
Бақытжан БЕЙСЕМБАЕВ,
Түркістан облыстық ҚХА жанындағы Медиация кеңесінің төрағасы, Түркістан облыстық Қоғамдық кеңес мүшесі
