Бүгін қасиетті жұма күні Түркістан облысының бас имамы Ержан Сматұлы Толепов Жетісай ауданына жасаған іс-сапары барысында «ҚОҒАМ ӘДІЛДІКПЕН ДАМИДЫ» атты тақырыпта Жетісай аудандық орталық «Нұғман» мешітінде уағыз айтты. Насихат барысында бас имам Ержан Сматұлы: «Құрметті жамағат! Әділдік сөзінің ауқымы кең әрі мұсылман адамы үшін маңызы өте зор. Сол себепті, зұлымдық атаулыдан аулақ болып, әр істе әділдікті ту етуіміз қажет»,- деп атап өтті. Жұма насихатынан кейін намаз оқылып, су тасқынынан зардап шеккен мекендерге арнайы дұға жасады.
