Бүгін Жетісай ауданына арнайы іс-сапармен Түркістан облысының бас имамы Ержан Сматұлы Толепов келді. Аудандық орталық «Нұғман» мешітінің мәжіліс залында ауданға қарасты мешіттердің дін қызметкерлерімен кездесіп, бірнеше мәселелерді талқылады. Аудан бас имамы Айдарбек Садыков жиынды ашып, жүргізіп отырды. Сөз барысында бас имам Ержан Сматұлы асыл дініміз бен дәстүрімізді дәріптеу жолында еңбек етіп жүрген имамдарға алғысын білдіріп, күн тәртібіндегі мәселелерге көшті. Атап айтқанда: ҚМДБ тарапынан бекітілген құжаттамалар, олардың маңыздылығы мен имамдардың этикасы, діни лауазымдар тізілімі мен уағыз-насихат айтудың тәртібі сынды тақырып аясында тапсырмалармен таныстырды. Сонымен қатар, облыстық маңызы бар күре жол бойында орналасқан мешіттерде жолаушылар үшін қолайлы жағдай жасауға күш салу, мешіттердің құжаттарын толықтыру бойынша қосымша тапсырмаларды берді. Облыстық орталық мешіттің іс басқарушысы Әлімхан Тұрлыбеков 2024 жылғы 22-ақпандағы ҚМДБ тарапынан бекітілген «Тәртіптік кеңес» ережесі бойынша баяндама жасап, ережеде көрсетілген тармақтар негізінде басымдық беретін тұстарды көрсетіп өтті. Жиын соңында хаттамалық тапсырмалар бекітіліп, арнайы жоспар түзілді.
