Құқықтық мемлекет құру жолында заң мен тәртіптің орны ерекше. Қоғамда әділдік салтанат құрып, азаматтардың құқығы қорғалуы үшін әрбір адам заң талаптарын құрметтеп, құқықтық мәдениетті қалыптастыруға үлес қосуы қажет. Заң үстемдігі орныққан елде тұрақтылық пен тыныштық сақталып, халықтың мемлекетке деген сенімі арта түседі.
Бүгінде елімізде құқықтық реформалар жүйелі түрде жүзеге асырылып келеді. Мемлекет басшысы әділетті қоғам қалыптастыру, заңның үстемдігін қамтамасыз ету мәселесіне айрықша назар аударып отыр. Бұл бағыттағы жұмыстар сот жүйесіне де үлкен жауапкершілік жүктейді. Себебі сот – азаматтардың құқықтары мен бостандықтарын қорғайтын басты институттардың бірі.
Сот саласында заңдылық пен тәртіпті сақтау – кәсіби міндет қана емес, үлкен адамгершілік ұстаным. Әрбір сот отырысы заң талаптарына сай ашық әрі әділ өтуі тиіс. Сот төрелігінің сапасы мен әділдігі қоғамның құқықтық сана-сезіміне тікелей әсер етеді. Сондықтан сот қызметкерлері өз жұмысына аса мұқият қарап, заң талаптарын қатаң сақтауы қажет.
Заң мен тәртіп ұғымы тек құқық қорғау органдарының немесе соттың қызметімен ғана шектелмейді. Ол – әрбір азаматтың күнделікті өміріндегі жауапкершілігі мен мәдениетінің көрінісі. Қоғамдағы тәртіптің сақталуы адамдардың бір-біріне құрметпен қарап, заң талаптарын орындауынан басталады. Заңға бағынған елде береке мен бірлік нығаяды.
Қазіргі таңда құқықтық сауаттылықты арттыру маңызды мәселелердің біріне айналып отыр. Әсіресе жастар арасында заңға құрмет қалыптастыру – келешек үшін маңызды қадам. Өйткені құқықтық мәдениеті жоғары ұрпақ қана әділетті қоғамның негізін қалайды.
Заң мен тәртіп – мемлекеттің дамуы мен қоғам тыныштығының басты кепілі. Әр азамат заң талаптарын сақтап, құқықтық мәдениетті қалыптастыруға үлес қосқанда ғана әділетті әрі өркениетті қоғам құруға болады.
С.Сиез,
Шымкент қаласының қылмыстық істер жөніндегі мамандандырылған ауданаралық соты әкімшісінің бас маманы – сот отырысының хатшысы.
