2026 жылдың 13-14 мамыр күндері Тараз қаласында ҚР Мәдениет және ақпарат министрлігінің қолдауымен Республикалық Аналар кеңесінің ұйымдастыруымен төрағасы, қоғам қайраткері Шанаи Нәзипа Ыдырысқызы «Аналар кеңесі: саналы қоғам қалыптастырудағы ананың рөлі» атты ауқымды халықаралық форум өтті. Бұл маңызды форумға М. Әуезов атындағы Оңтүстік Қазақстан зерттеу университетінің “Тұлға дамыту және ҚХА” орталығының басшысы, Университет “Аналар кеңесінің төрағасы Г. Жанысбекова бастаған делегация мүшелері — Ж. Аульбекова, Ұ. Темирова және Г. Парменкулова форумға қатысты.
Форум аясында еліміздің түкпір-түкпірінен келген Аналар кеңесінің өкілдері мен шетелдік сарапшылар бас қосты:
Халықаралық қонақтар: Түркиядан профессор Еке Учан Нагехан және Қырғыз Республикасынан Юлия Денисенко отбасы институты мен әйелдердің психоәлеуметтік мәселелері бойынша тәжірибелерімен бөлісті.
Қазақстанның әр өңірінен келген өкілдер: Алматы, Шымкент, Атырау, Жетісу, Қостанай, Маңғыстау, Павлодар өңірлердегі атқарылып жатқан жұмыстар туралы баяндама жасады.
Форумға қырғыз, өзбек, дүнген және түрік-ахыска этномәдени бірлестіктерінің Аналар кеңесі мүшелері де қатысып, ұлттық тәрбие мен береке-бірлік туралы ой қозғады.
Форум барысында ерен еңбегімен көзге түскен аналарға «Ел Анасы» және «Аялы алақан» марапаттары табысталды. Сонымен қатар, қатысушылар «Көне Тараз» этномәдени кешенін аралап, тарихи мұралармен танысты.
Ананың ақ сүтімен берілген тәрбие — саналы қоғамның негізі. Сапарымыз сәтті, тағылымымыз мол болсын!
#AuezovUniversity #АналарКеңесі #Тараз2026 #Шымкент #СаналыҚоғам #ЕлАнасы #ҰлттықТәрбие #Форум2026
