Мемлекеттік қызмет – билік пен халық арасындағы алтын көпір. Сондықтан Мемлекеттік қызметке келетін азаматтар негізгі қызметінен бөлек, өз қызметі бойынша ұсынылатын ақпараттың сапасы үшін үлкен жауапкершілікте болады. Бұлда халықтың сенімі.
Қазіргі таңда мемлекеттік қызметтердің қолжетімділігі мен сапасын арттыру – еліміз үшін аса маңызды міндеттердің бірі. Өйткені азаматтар күнделікті өмірде түрлі мемлекеттік қызметтерге жүгінеді. Бұл қызметтердің тиімді әрі сапалы орындалуы – халықтың мемлекетке деген сенімін арттырып, әлеуметтік тұрақтылықтың кепілі болмақ.
Мемлекеттің өркендеуі, халықтың әл-ауқатын артуы, қоғамның кез келген саласының дамуы – бірінші кезекте мемлекеттік қызметкердің еңбегіне тікелей байланысты. Дамыған елдердің тәжірбиесі елдің бәсекеге қабілеттілігін арттыруда мемлекеттік аппараттың кадрлық мүмкіндігі аса маңызды екендігін көрсетіп отыр.
Мемлекеттік қызметшілердің ең басты міндеті – халыққа адал қызмет ету. Әрбір мемлекеттік қызметші осы қағиданы еш уақытта ұмытпауы тиіс. Халыққа жақын болып, кез келген жағдайда «қара қылды қақ жаратын» әділ болуы қажет. Олар елдің мүддесі үшін бірінші орынға қоятын, тез әрі дұрыс шешім қабылдай алуы міндетті. Себебі, әлеуметтік – экономикалық, қоғамдық – саяси ахуалдың тұрақтылығы тікелей мемлекеттік қызметке байланысты. Нақты айтатын болсақ, ұлт мәртебесін көтеретін, ел абыройын асқақтатын мемлекеттік қызметкер болу – жауапты міндет.
А.ТЫНЫШТЫҚ,
Шымкент гарнизоны әскери соты
әкімшісінің бас маманы.
