Ұмра араб тілінде- зиярат ету дегенді білдіреді. Ар шариғаттағы терминдік мағынасы-белгілі бір уақыттан тыс жылдың кез келген уақытында ихрамға кіріп, тауап және сағи жасағаннан кейін шашты алғызып немесе қысқартып, ихрамнан шығу жолдарымен атқарылатын ғибадат. Ханафи мәзһабында мүмкіндігі болған мұсылманға ұмра жасау-бекітілген сүннет. Осыған орай, Жетісай аудандық «Нұғман» мешіті «Қажылық және ұмра» бөлімінің жоспарына сәйкес Жетісай қаласы «Имам Бұхари» мешітінің имамы Нұрқазы Налибаев сапарға аттанушы азаматтар мен азаматшаларға ақпараттық-түсіндірме жұмыстарын жүргізді. Түсіндірме жұмыстары барысында ихрам халіне өту, киіну үлгісі, тауап жасау және өзге де белгіленген істер бойынша арнайы көрсетіп өтіп, мүмкіндігінше қасиетті мекенде құлшылық-ғибадатты дұрыс орындауға, қауіпсіздік шараларын қатаң сақтауға шақырды.
