Жетісай аудандық «Нұғман» мешітінде Терроризмге қарсы күрес бойынша арнайы мемлекеттік мекеме қызметкерлерінің қатысуымен ауданға қарасты мешіт имамдарына «Осал объекті бойынша мешіт ғимараттарының куәлігін бекіту» тақырыбында ақпараттық-түсіндірме жұмысы жүргізілді. Семинарға Жетісай ауданы әкімі аппаратының бас инспекторы, ТҚК хатшысы Мадияр Исламов, Жетісай ауданы ішкі саясат бөлімінің басшысы Тамара Ташева, Жетісай АПБ «Діни экстремизм мен терроризм» саласы бойынша жауапты қызметкері Тайырхан Қалтұрсын, Жетісай ауданы ішкі саясат бөлімінің бас маманы Бекарыс Абилдаев және аудандық «Нұғман» мешітінің найб имамы Әбдікәрім Болат қатысып, арнайы тақырып бойынша имамдарға мешіт ғимаратының куәлігін жасау үлгілерімен таныстырды. Сонымен қатар, алғашқы тоқсанға аудан көлемінде енгізілген мешіттерді атап өтіп, белгіленген мерзім ішінде куәлікті бекіту жұмысын аяқтау қажеттілігін тілге тиек етті. Семинар соңында мешіт қызметкерлері тарапынан қозғалған мәселе аясында сұрақтар қойылып, тұшымды жауап берілді.
Оқи отырыңыз...
