Келес ауданының әкімі Жәнібек Ағыбаевтың тапсырмасына сәйкес аудан аумағында жаппай саниьарлық тазалық шарасы өтті. Онда жергілікті тұрғындармен қатар, аудан әкімдігіне қарасты дербес бөлім мамандары және ауыл, ауылдық округ әкімдіктерінің мамандары қатысты.
— Ауданымызда тазалық шарасы әр апта сайын ұйымдастырылуда. Көше бойындағы күл, қоқыстар жиналып, ағаштарға қажетті тыңайтқыштары берілуде. Сонымен қатар қоқыс тастауға арналған полигондарды реттеу жұмыстары да жүргізілуде. Сенбілікке шыққан барша аудан тұрғындары мен мекеме қызметкерлеріне шынайы алғысымызды білдіреміз, — деді аудан әкімінің орынбасары Алмас Сексенбаев.
Тазалық шарасына Келес Қызмет мекемесінің техникалары тартылып, ауыл ішіндегі қоқыстар арнайы орындарға жеткізілді. Өз кезегінде аудан тұрғындары мен қонақтарынан сұранарымыз, қоршаған ортаны ластамай, оны таза ұстауға баршамыз атсалыссақ. Себебі тазалық тәннің және жанның дауасы.
