Жемқорлық – қоғам дамуын тежейтін ең қауіпті құбылыстардың бірі. Ол елдің экономикалық өсіміне, мемлекеттік басқару жүйесіне және ең бастысы – халықтың билікке деген сеніміне нұқсан келтіреді. Сондықтан сыбайлас жемқорлыққа қарсы күрес – мемлекет пен қоғамның ортақ міндеті.
Мемлекет басшысы өз Жолдауларында сыбайлас жемқорлықты түбегейлі жоюдың маңыздылығын ерекше атап өтуде. Себебі, әділдік пен ашықтық орнаған елде ғана шынайы даму мен өркендеу болады.
Жемқорлықтың тамырына балта шабу – тек заңмен күрес емес, ол – сана мен тәрбие мәселесі. Әр азамат өз ісінде адал, жауапты және әділ болса ғана қоғамда жемқорлық азаяды.
Соңғы жылдары елімізде сыбайлас жемқорлыққа қарсы бағытталған заңнамалар жетілдіріліп, қылмыстық жауапкершілік күшейтілді. Мемлекеттік қызметтегі ашықтықты қамтамасыз ету, цифрландыруды енгізу, қоғамдық бақылау тетіктерін арттыру – бұл індетпен күрестегі нақты қадамдар болып отыр.
Сот жүйесі де бұл бағытта белсенді жұмыс атқаруда. Әрбір сот қызметкері мен мемлекеттік қызметкер өз кәсіби борышын адал орындап, заң талаптарын қатаң сақтауы тиіс.
Жемқорлықпен күрес тек жазалау шараларымен шектелмеуі керек. Ең бастысы – оның алдын алу, яғни адам санасында адалдық мәдениетін қалыптастыру.
Адал еңбек пен әділдік – қоғамның тұрақтылығының негізі. Әрбір азамат өз орнында таза, жауапты, әділ болса – елде жемқорлыққа орын қалмайды.
Сондықтан жастардың бойына адалдық пен әділдік қасиеттерін сіңіру – болашақта бұл індеттің жойылуына ықпал ететін басты тетік.
Жемқорлық – ел болашағына қауіп төндіретін індет, ал оны жою – баршамыздың міндетіміз.
Тек таза ой, адал еңбек және әділ қоғам ғана мемлекеттің дамуы мен ұлттың өркендеуіне жол ашады.
С.ОРДАБЕКОВ,
Шымкент қаласының қылмыстық істер жөніндегі мамандандырылған ауданаралық сотының аға сот приставы.
