Бүгін Кәсіпкерлер палатасының ұйымдастыруымен туризмді дамыту мәселесіне арналған онлайн форматтағы кеңес өтті. Іс-шараға Қазақстан Республикасының Туризм және спорт министрлігі, Экология және табиғи ресурстар министрлігі, Су ресурстары және ирригация министрлігі, сондай-ақ «Kazakh Tourism» ұлттық компаниясының өкілдері қатысты.
Кеңес барысында жазғы туристік маусымның қорытындылары талқыланып, саланы жүйелі түрде дамытуға бағытталған ұсыныстар қарастырылды. Түркістан облысы тарапынан жергілікті атқарушы органдар мен туризм саласындағы кәсіпкерлер белсенділік танытты.
Тараптар ішкі туризмді қолдау, инфрақұрылымды жетілдіру және демалушыларға қолайлы жағдай жасау мәселелері бойынша пікір алмасып, алдағы уақытқа арналған нақты бастамаларды ұсынды.
