Зорлық-зомбылық – қазіргі қоғамның өткір мәселелерінің бірі. Оны тек жеке тұлғаларға немесе отбасы ішіндегі қатынастарға ғана емес, сонымен қатар қоғамның әлеуметтік, экономикалық және мәдени жағдайына да әсер ететін құбылыс ретінде қарастыру қажет.
Зорлық – зомбылықтың бірнеше түрі бар, оған физикалық, психологиялық, экономикалық және жыныстық зорлық – зомбылық жатады. Әсіресе, тұрмыстық зорлық-зомбылық мәселесі әлемнің көптеген елдерінде, оның ішінде Қазақстанда да жиі талқылануда. Зорлық-зомбылықтың деңгейі жоғары болған сайын, оның құрбандарының саны да арта түспек.
Статистикалық мәліметтер бойынша, Қазақстанда әрбір бесінші әйел тұрмыстық зорлық-зомбылыққа ұшырайды. Бұл деректер зорлық-зомбылықтың әлеуметтік, психологиялық, экономикалық және медициналық аспектілерін түсінуге негіз болады.
Зорлық – зомбылықтың құрбандары көбіне психологиялық күйзеліске, депрессияға және басқа да психикалық бұзылуларға ұшырайды, бұл олардың өмір сапасына теріс әсер етеді. Зорлық – зомбылықтың алдын алу және оны жою үшін кешенді шаралар қабылдануы қажет. Заңнамалық деңгейде зорлық – зомбылыққа қарсы заңдарды қатаңдату, құқық қорғау органдарының жұмысы мен қоғамдағы зорлық зомбылықты болдырмауға бағытталған бағдарламаларды дамыту қажет.
А.ТУРЛИЕВА,
Шымкент гарнизоны әскери соты
әкімшісінің бас маманы-сот отырысының хатшысы.
