Қай ұлттың болмасын өзіндік тілі, дәстүрі және діні болады. Бұл үшеуі бірігіп, ұлттың нағыз рухани тірегіне айналады. Біздің Ата Заңымызда «Қазақстан Республикасының мемлекеттік тілі – қазақ тілі» деп жазылған. Ал орыс тілін – ресми тіл, мемлекеттік тілмен бірдей қолданылады деп айтылған. Біз Конституция талаптарын мүлтіксіз орындауға міндеттіміз.
«Ұлттың сақталуына да, жоғалуына да себеп болатын нәрсенің ең қуаттысы – тіл» деген Ахмет Байтұрсыновтың қағидасына сүйенсек, Ата заң аясында бақ-берекетіміздің сақталып отырғаны тіл саясатын да дұрыс жүргізудің жемісі екені анық.
Бүгінгі таңда мемлекеттік тілді білу – мемлекеттік қызметкерлердің ең басты біліктілік талабына айнала бастады. Қазір мұндай талап қойылатын лауазымдар саны күн өткен сайын артып келеді. Сонымен қатар мемлекеттік органдар арасында құжат айналымның тек мемлекеттік тілде болуын қатаң сақтауды жүзеге асыруда.
Мемлекеттік тілді насихаттау үшін әрбір азамат өзінің тілін, тарихын терең де жете білуі керек. Тіл байлығы – елдің, ұлттың мақтанышы. Ол атадан балаға мирас болып қалыптасып отырады. Елбасымыз Нұрсұлтан Әбішұлы Назарбаев «Қазақстанның болашағы – қазақ тілінде» деген тұжырымдаманы қазіргі уақытта үнемі айтып келеді. Бұл елбасының мемлекеттік тілге деген үлкен құрметі. Тіл – халықтың жаны, халқымыздың аса бай рухани қазынасы. Барлық әлем тану үшін, тіліміздің мәртебесін биік ұстануымыз керек.
Біздің мекеменің қызметкерлері мемлекеттік тілді дамытуға байланысты әр-түрлі іс-шаралар өткізіп отырады. Қызмет бабы бойынша қазақ тілінде кәсіптік терминдер қолданылады. Өзім қызмет етіп отырған Шымкент гарнизоны әскери сотында тілді насихаттау туралы бағытта біраз жұмыстар атқарылып келеді. Мемлекеттік тілде іс жүргізуде қателіктердің болмау жолдарын қарастыра отырып, дөңгелек үстел, семинарлар өткізіліп тұрады. Бүгінгі күні тілдерді дамытып насихаттау жан-жақты қарастырылған. Тіл тағдырына жанашарлығымызбен қамқорлығымызбен қарап, барлық әлем тану үшін тіліміздің мәртебесін биік ұстауымыз керек.
Б.МЕДЕШОВА,
Шымкент гарнизоны әскери сотының
бас маман-сот отырысының хатшысы.
