16 сәуір 2024 жылы “Сарыағаш ауданында этнос өкілдері шоғырланған аумақтарда құқықтық және этносаралық келісімді насихаттау жұмысын жүргізу”кестесіне сәйкес, бүгін Жарты төбе, Көктерек, Құркелес ауылдық округтерінде кездесулер ұйымдастырылды.
Кездесу барысында ауылдық округтердегі қоғамдық-саяси ахуалдың тұрақтылығы және елдің ауызбіршілігі, ынтымағы, сондай-ақ, елдімекендердегі құқықбұзушылықтың алдын алу, жастардың әскерге баруын кеңінен насихаттау, тақырыбында кеңінен сөз қозғалды.
Кездесуге аудан әкімінің орынбасары А.Қозыбаев, ҚР ҰҚК Сарыағаш аудандық бөлімінің бастығы А.Қанатбаев, аудандық полиция бөлімінің жергілікті полиция қызметі бөлімі бастығының міндетін уақытша атқарушы Н.Ботақұлов, Келес және Сарыағаш аудандарының қорғаныс істері жөніндегі біріктірілген бөлімі бастығының орынбасары, полковник Б.Қазақов, аудандық ақсақалдар кеңесінің төрағасы Е.Исахов, ауданның ішкі саясат бөлімі басшысы З.Хамзаева, Түркістан облысы қоғамдық даму басқармасының «Қоғамдық келісім» КММ-нің Сарыағаш аудандық филиал басшысы С.Кибраев және аудандық тәжік этномәдени бірлестігінің төрағасы М.Мамараимов арнайы барды.
Жиынға Жарты төбе, Көктерек, Құркелес ауылдық округтерінің ақсақалдар кеңесінің төрағалары, ауыл ақсақалдары, ауыл билері, аналар, учаскелік полиция инспекторлары, этнос өкілдері, жылыжай иелері және ауыл белсенділері қатысты.
Жиында ауыл округ тұрғындары тарапынан сұрақтар қойылып, мәселелердің шешілуі жолында тиісті жұмыстар жүргізілетіндігі айтылды.
