08.04.2024 жылы М.Лермонтов атындағы жалпы білім беретін мектебінде «Аралас мектептердегі мемлекеттік тілдің оқытылу сапасын арттыру: мақсат, функционалдық сауаттылық, патриотизм» тақырыбында сәуір айының 8-19 күндері аралығында өткізілетін онкүндіктің жоспары жасалып, жоспарға сәйкес «Достықтың мәңгілік дәнекері – қазақ тілі» тақырыбында онкүндіктің ашылу салтанаты болып өтті.
Мақсаты: мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, өзге ұлт өкілдері арасында қазақ тілін білу деңгейін көтеру және оқып-үйренуге деген ықыласы мен қызығушылығын арттыру.
Ашылу салтанатының қадірлі қонақтары аудандық білім бөлімінің әдіскері Р.Кункибаева, аудандық сырттай оқыту мектебінің директоры О.Османов сөз алып, аралас мектептердегі қазақ тілінің мәртебесін насихаттаудың маңызы зор екендігін айтып өтті. Салтанатты кеш мектеп оқушыларының хорымен, мың бұралған әсем биімен өз жалғасын тапты. Өзге ұлт өкілдерінің тіл туралы, Отан туралы жыр шумақтарын оқуы, тақырып бойынша түсірген бейнероликтері көрермен көңілінен шықты. Кеш соңы патриоттық әнмен ұласты.
