Биік тұрғын үйлердегі өрттерді сөндіру кезінде Шымкент қаласы гарнизонының өртке қарсы бөлімшелері жеке құрамының практикалық дағдыларын пысықтау, осы объектілердегі өрттерді сөндіру кезінде бөлімшелерге басшылық жасау дағдыларын пысықтау, Шымкент қаласы ТЖД «Өрт сөндіру қызметі және АҚЖ» ММ бөлімшелерімен тұрғын үй кешені тұрғындарының өзара іс – қимылын пысықтау, қаланың тіршілікті қамтамасыз ету қызметтерімен өзара іс-қимылды ұйымдастыру — өрт-тактикалық оқу-жаттығудың мақсаты еді.
Өрт-тактикалық жаттығулардың тактикалық ойына сәйкес, шартты өрт сегізінші қабаттағы №170 бөлмеде электр шайнегінің электр сымдарының қысқа тұйықталуына байланысты болды. Өрттің жоғары қабаттарға таралу қаупі болды. «Tumar Apartments» тұрғын үй кешенінің тұрғындары өрт туралы «101» пультіне хабарлады. Диспетчерлік құрам шақыру орнына автоматты түрде шақырудың жоғары дәрежесі бойынша күштер мен құралдарды жіберді. Шартты шақыру орнына келгеннен кейін өрт сөндіру штабы және өртті сөндірудің екі учаскесі құрылды, электр қуатын өшіру жүргізілді, ол 220 В құрады. Өрттің таралу қаупі жойылды, шартты өртті сөндіруге арналған құралдар уақтылы берілді.
Жағдайды бағалай отырып, өрт сөндіру басшысы дүрбелеңнің алдын алу шараларын қабылдады – дауыс зорайтқыш құрылғылар арқылы тұрғындарға ұсыныстар жеткізілді. Периметрі бойынша тұрғын үй кешені полиция қызметкерлерімен қоршалған. Көпқабатты үйдің орталық жағынан өрт сөндіру авто сатылары орналастырылып, екі іздестіру-құтқару тобы құрылды. Жедел-құтқару жасағының құтқару бөлімшесі альпинистік жабдықтардың көмегімен шартты түрде зардап шеккен адамды 8 қабаттан түсірді.
Оқу — жаттығу барысында өрт сөндіру автомашиналарының кіреберісі қамтамасыз етілді. Эвакуацияланған тұрғындарға ТЖ қызметкерлері ашық кірме жолдардың маңыздылығын түсіндірді. Сонымен қатар өрт қауіпсіздігі ережелерін білу бойынша түсіндіру жұмыстарын жүргізді. Көпқабатты тұрғын үйдің кішкентай тұрғындарына басты назар аударылды.
Оқу-жаттығуға қатысқан Апаттар медицинасы орталығы филиалының және жедел медициналық көмек қызметінің бригадалары алғашқы медициналық көмек көрсету дағдыларын пысықтады.
Шымкент қаласы
ТЖД қоғаммен байланыс жөніндегі тобы.
