Жаны нәзік болса да ер адамдарға пара-пар күш-жігері, қажыр-қайраты, ақыл-айласы бойынан табылатын өр мінезді арулар арамызда көптеп табылады. Соның бірі – Түркістан облысы, Бәйдібек ауданы Қызыл көпір ауылының тумасы бүгінде Әль-Фараби ауданы бойынша Мемлекеттік кірістер басқармасының білікті маманы Әсембекова Раушан Әсілбекқызы.
Мемлекет табысының көзі – салықты сапалы басқара білу басты талап. Демек, салықтық бақылауды жетілдіру арқылы көлеңкелі экономикамен, салықтан жалтарушылармен және жалған кәсіпкерлікпен күресу жұмыстарын тиімді жүргізуге болады. Осы бағытта Раушан Әсілбекқызының еңбегі ерен. Кейіпкеріміздің еңбек жолына көз жүгірсек. Ол мемлекеттік қызмет саласындағы еңбек өтілін 2003 жылы ОҚО Сайрам ауданында –салық инспекторы лауазымынан бастайды. Кейін келе облыс орталығы Шымкент қаласы бойынша Салық басқармасында , 2009 жылдан Абай ауданы бойынша Мемлекекттік кірістер басқармасында жұмыс істеді Ал, 2015 жылдан бүгінгі күнге дейін Әл-Фараби ауданы бойынша Мемлекеттік кірістер басқармасында жемісті еңбек етіп келеді.
Өзіне бекітілген лауазымдық нұсқаулығына сәйкес , басқармадағы бос орындарға өткізілетін конкурстар бойынша керекті іс-шаралар мен кадр жұмысы бойынша есептіліктердің тиісті дәрежеде өткізілуін ұйымдастырып отырады. Шымкент қаласы бойынша Мемлекекттік кірістер департаментінің орталықтандырылған хаттамалық тапсырмаларын мінсіз атқарып отыр. Қоғамдық және кәсіподақ комитетінің жұмыстарында атқарған еңбегі бір төбе. Бір жағадан бас, бір жеңнен қол шығарып» өзіне жүктелген абыройлы әрі жауапты қызметте сенім биігінен көрініп, толымды табыстарға қол жеткізген Раушан Әсілбекқызының алар асулары алда. Мерекелеріңіз құтты болсын, әріптестер! Мықты маман, кішіпейіл тұлға, әдемі әйел!
Әл-Фараби ауданы бойынша Мемлекеттік кірістер басқармасының ұжымы.
