🇰🇿Бүгін Қазақстан Республикасының Президенттігіне Кандидат Қ.К.Тоқаевты қолдау жөніндегі Шымкент қалалық қоғамдық штабы ашылды. Оның құрамына облысқа танымал тұлғалар, зиялы қауым өкілдері мен белсенді жастар еніп отыр.
📌Шымкент қалалық қоғамдық штабтың алғашқы жиыны өтті. Алдымен тікелей байланыста Қазақстан Республикасы Президентігіне үміткер Қасым-Жомарт Тоқаевты қолдау жөніндегі республикалық қоғамдық штабтың отырысы өтті. Отырысқа 3 саяси партия және 22 республикалық қоғамдық ұйымнан тұратын Халықтық коалицияның өкілдері қатысты.
✅Бүгінгі Шымкенттегі жиынға өңіріміздің «Аманат» партиясы, «Ақжол» Қазақстан демократиялық партиясы, «Қазақстан Халық партиясы», Ардагерлер Кеңесі, «Шымкент қаласы мәслихаты депутаттарының бірлестігі», «Team Қазақстан» және қалалық қоғамдық штабтың мүшелері мен бұқаралық ақпарат құралдарының өкілдері қатысты.
📍Қалалық қоғамдық штаб бір ай бойы үгіт-насихат науқанында ҚР Президенттігіне Кандидат Қ.К.Тоқаевтың сайлауалды бағдарламасын жан-жақты түсіндіретін болады.
Шымкент қаласы бойынша сайлаушылар саны 637 401 адамды құрады. Сайлауды өткізуге қала бойынша 317 сайлау комиссиясы қатысады. Қоғамдық штабтың құрамына 96 азамат ендірілді.
Үгіт насихат кезеңінде кандидаттың насихат плакаттарын ілу бойынша 300 белсенді Орталық аппараттың нұсқаулығы бойынша оқытылды. Қазіргі таңда белсенділердің көмегімен 19 599 үгіт парақшасы рұқсат алынған жерлерге жабыстырылып таратылды. Қала аумағындағы 65 ақпараттық тақта мен 33 бильборд, 21 ЛЭД экрандарға үміткердің үгіт-насихаттық ақпараты ілінді.
#Toqaev2022
