🇰🇿«AMANAT» партиясы Қаратау аудандық филиалының Атқарушы хатшысы Әбдез Рахманұлы «Достық» бастауыш партия ұйымы мүшелерімен бірге Президент жолдауын талқылады. Жиын барысында ҚР Президенті Қ.Тоқаев Парламент палаталарының бірлескен отырысында «ӘДІЛЕТТІ МЕМЛЕКЕТ. БІРТҰТАС ҰЛТ. БЕРЕКЕЛІ ҚОҒАМ» атты Қазақстан халқына арнаған кезекті Жолдауы отандастарымыздың өмір сүру сапасын жақсартуға бағытталған шешімдердің жиынтығы. Олай дейтініміздің себебі, мемлекет басшысы өзінің бес бағыттан тұратын Жолдауында экономиканың өсуіне қатысты бірқатар реформаларды ұсынды. Ұлттық қордың пайдасы қарапайым халық үшін қызмет ететіні көпшілікті қуантқан жәйт. Сонымен қатар, әйелдердің зейнетке шығу жасы 61-ге төмендегені де жағымды жаңалық болды. Бала күтіміндегі аналардың ақылы демалысы бір жарым жылға дейін ұзартылатын болды. Бұл да декреттік демалыстағы нәзікжандылардың пайдасына шешілген сұрақ.
📌Жиын соңында бастауыш партия ұйымының өкілдері Жолдау жүктеген міндеттер туралы өз ойларымен бөлісіп, пікір алмасты. Жетекші партияның мүшелері мемлекет басшысының өзгерістер жолындағы барлық реформаларын қолдайтындарын да жеткізді.
#AMANAT #AMANATPartiyasy
КӨПТІҢ КӨҢІЛІНЕН ШЫҚҚАН ҚҰЖАТ
