Бүгін Түркістан облысының Кәсіпкерлер палатасы алаңында бизнес қауымдастығының түйткілді мәселелері бойынша Кәсіпкерлердің құқығын қорғау және сыбайлас жемқорлыққа қарсы іс-қимыл Кеңесі өтті. Жиынға Түркістан облысының санитариялық-эпидемиологиялық бақылау Департаменті өкілі, Түркістан облысының жер ресурстарын басқару департаменті, Сарыағаш ауданының әкімдігі (аудандық жер қатынастары бөлімі), т.б. сондай-ақ кәсіпкерлер қатысты.
Жиын барысында ЖШС «Сарыағаш-құс» құс фабрикасына жергілікті атқарушы органның әкімшілік кедергі келтіруі мәселесі қаралды. Атап айтқанда, Серіктестік Дарбаза ауылы тұрғындарының санының өсуіне байланысты Сарыағаш ауданы әкімдігі мен Дарбаза ауылының әкіміне құс фабрикасының айналасына санитариялық-қорғаныш аймағын бекітіп беруді сұранған. Серіктестіктің арызынан, жергілікті атқарушы органның өкілдері тарапынан жерге орналастыру жобасына сай 134,46 га жер учаскесі үшін Серіктестіктен 7 800 000 теңге көлемінде ауылшаруашылығы жерлеріне өтемақы төлеуді мәжбүрлеп отырғанын көрсеткен. Өңірлік Палата аталған мәселені оңтайлы шешу мақсатында Сарыағаш ауданының әкіміне Серіктікстік үшін санитариялық-қорғаныш аймағын бекітіп беру жөнінде ұсыныс келтірген. Бүгінгі күнге дейін, Серіктестік жоғарыда аталған мәселемен әкімдікке 2022 жылғы қантар айында жүгінген уақыттан бері 6 (алты) ай мерзімнен асып кетсе де жерігілікті атқарушы орган өзінің әрекетсіздігімен, сондай-ақ созбалаңдыққа салуымен мәселені шешу жөнінде түпкілікті шешім шығармай отыр. Сонымен қатар, жергілікті атқарушы орган халық санының өсуіне байланысты құс фабрикасының маңындағы жер телімдерін тұрғын-үй және басқа да объектілер салуға беріп, Жер кодексінің санитариялық-қорғаныш аймағын қамтамасыз ету жөніндегі талаптарын өрескел бұзып отыр.
Бұл құқыққа сыйымсыз әрекеттер, алдағы уақытта жеке азаматтардың Серіктестіктің адал кәсіпкерлік қызметіне түрлі шағым келтіруіне, сондай-ақ құстан (тауықтан) таралатын түрлі аурулардың таралуына алып келуі, ауру ошағының қалыптасуына алып келуі мүмкін.
Сондай-ақ, жергілікті атқарушы органның Серіктестіктен санитариялық-қорғаныш аймағын бекіткені үшін ауылшаруашылығы жерлеріне өтемақы төлеуді талап етуі Серіктестікке қатысты заңмен (Кодекспен) белгіленбеген талаптары деп саналады.
Өңірлік палата аталған мәселенің құс фабрикасының дамуы мен халықтың санитариялық-эпдемиологиялық саламаттығын қамтамасыз ету мәселелерінде өте күрделі мәселе деп есептейді және ол Кәсіпкерлердің құқығын қорғау және сыбайлас жемқорлыққа қарсы іс-қимыл Кеңесінің қарауына ұсынып, заң қадағалау және уәкілетті органдарға тиісті хаттамалық ұсыныс енгізілуге жатады деп санайды.
Айта кетейік, 2010 жылы құрылыған «Сарыағаш-құс» ЖШС-гі бүгінгі таңда күндігіне 30 мың жұмыртқа шығаратын Сарыағаш ауданы, Дарбаза ауылында орналасқан ірі кәсіпорын.
Осы мәселе бойынша прокуратура және мемлекеттік органдар тарапынан тиісті шаралар қабылдау жөнінде түсіндірмелер мен тапсырмалар берілді.
#рпптуркестан
