Шымкент қаласының әкімі Мұрат Әйтеновтің жыл басында халықпен кездесуінде Бадам-1 алабының тұрғындары Ынтымақ көшесін асфальттауды сұраған болатын. Бүгінде халықтың өтініші орындалды.
Ынтымақ көшесін асфальттау жұмыстары аяқталуға таяу. Мердігер мекеме – «ӘлемТрансЖол» ЖШС ұзындығы 1 шақырымды құрайтын көшеге орташа жөндеу жұмыстарын жүргізіп, асфальт төсеуде.
Бадамдықтар жол жөндеу жұмыстарына ризашылықтарын білдірді. Тұрғындардың өтініштерін басты назарда ұстай отырып, қала аумағында инфрақұрылымды дамыту жұмыстары жалғасатын болады.
