Бүгін Шымкент қаласы Еңбекші ауданы әкімі Досбол Есілбек тұрғын алаптарда атқарылған жұмыстар және алдағы уақытта атқарылатын жұмыстар жайлы учаскелік тұрғындармен кездесу өткізді. Кездесу аудан аумағына қарасты, Қарабастау, Жалын және Жұлдыз тұрғын алаптары тұрғындарымен өтті.
Тұрғындармен кездесу барысында былтырғы жыл мен биылғы жылдың жоспарлары баяндалды. Атап айтқанда:
Қарабастау тұрғын алабы:
Былтырғы жылы 2 спорт алаңшасы салынып, су алу қауіпі бар жолдардың бойына ирригациялық арық (лоток) орнатылған. Ал, 2022 жылдың жоспарына сәйкес, электр энергиясы, асфальт төсеу, ауыз су, табиғи газ және балалар ойын алаңшасымен қамту бойынша жоспарлар түзілген.
Жұлдыз тұрғын алабы:
2021 жылы Дегерес көшесіне 1 шақырым шағал тас төсеу жұмыстары жүргізіліп, Асубұлақ көшелеріне көше жарығы орнатылды. Биылғы жоспарға сәйкес, 484 абонент жаңа электр энергиясымен қамту, көпқабатты 27 тұрғын үйді кәріз жүйесімен қамту, Жаңақұрылыс көшелеріндегі 484 абонентке ауыз су жүргізу сондай-ақ, Жаңақұрылыс учаскелеріне табиғи газ жүргізі жұмыстары атқарылатын болады.
Жалын тұрғын алабы:
2021 жылы 6 көшеге асфальт, Дачная көшесіне көше жарығы, 566 абоненттің электр желілері жаңартылып, 8 трансформатор орнатылған. Биылғы жылдың бас жоспарына сәйкес, Васильковая, Цветочная, Солнечная көшелеріне асфальт төсеу жұмыстары жүргізілетін болады.
Сонымен қатар, аудан әкімі тұрғындардың сауалдарына жауап беріп, ұзақ мерзімді талап ететін сұрақтар бойынша іс-шара жоспарының орындалуын бақылауға алынатынын жеткізді.
Шымкент қаласының Ақпараттық-коммуникациялық орталығы
