Жақында облысымыз ғана емес, республикаға танымал, «Шымкент қаласының қоғамдық кеңесі» мүшесі, Қазақ радиосының Шымкент қалалық филиал директоры, Ерсұлтан Әмірбек Халықаралық “ҚАЗАҚ ТІЛІ” қоғамының Шымкент филиалының төрағасы болып сайланған болатын.
Елі үшін елеңдеп, бойындағы бар күш-жігерін, рухани байлығын, білімі мен біліктілігін еліміздің өркендеуіне жұмсап жүрген Ерсұлтанға артылған бұл жауапкершілік оның ел алдындағы парызын екі есеге арттырғаны белгілі.
Ол енді Тілім дегенде қолын қусырып отыра алмайтынын түсінді.
Қазақтың тілі мен өнеріне, әдет-ғұрпы мен салт-дәстүріне берік Шымкенттегі бірегей ұжым Салт-дәстүр Орталығымен бірлесе жұмыс жасауға уағдаласуы соның дәлелі.
“Қазақ тілі” қоғамының Шымкент филиалы арқылы қолға алынған кез-келген жобаларға қолдау жасайтынын сеніммен айтқан орталық ұжымына және директоры Бақтияр Спанов мырзаға мың Алғыс дейміз.
Тілдің көсегесін көгерту тек қоғамның емес, бәріміздің ортақ міндетіміз!
«NEWQAZAQ.KZ» — ақпараттық порталы.
