Мұрат Әйтенов өзінің инстаграм парақшасында биылғы жұмыстар нәтижесінде, Шымкентті кәріз жүйесімен қамту көрсеткіші қазіргі 54 пайыздан 60 пайызға жететінін жариялады.
Тұрғындарға сапалы өмір сүруі ортасын қалыптастыру үшін, алдымен инфрақұрылым мәселесін шешу жұмыстарын жалғастыра беру керектігін білдірген.
«Қаланың 54 пайызы кәріз жүйесімен қамтылған. Көрсеткішті жоғарылату мақсатында өткен жылы үш жобаның құрылысы аяқталған. Атап айтқанда, «Тұран» шағынауданындағы кәріз сорғы станциясы және «Самал-1», «Наурыз» шағын аудандарындағы ішкі жүйелердің құрылысы аяқталып, ондағы көп қабатты тұрғын үйлер жүйеге қосылған. Нәтижесінде кәріз жүйесімен қамту көрсеткіші 52,3 пайыздан — 54 пайызға өскен.
Бұл көрсеткіш биылғы 3 магистралды және 7 елді мекеннің ішкі жүйелерін тарту жұмыстарын жүргізу нәтижесінде 60 пайызға жетпек.
2023 жылы – 65 %
2024 жылы – 70 %
2025 жылы – 75 % қамту көрсеткішіне қол жеткізу көзделуде екенін атап өткен.
