Көлік инфрақұрылымын дамыту мемлекеттің экономикалық әлеуетіне әсер ететін негізгі құрамдас бөліктердің бірі болып табылады. Тиімді көлік инфрақұрылымы өндірістік процестерді жеделдетіп қана қоймай, қалаішілік ынтымақтастықты нығайтады, сонымен қатар халықтың қолайлы өмір сүру ортасы қалалық инфрақұрылымның жүйелі дамуына ықпал етеді.
Президенттің Қазақстан халқына инфрақұрылымды жүйелі дамыту туралы Жолдауын іске асыру мақсатында қала әкімі М.Әйтенов біршама әстерді қолға алды. 2020 жылы COVID-19 пандемиясымен байланысты жаһандық дағдарыс жағдайында ел Үкіметі жол учаскелеріндегі жол-жөндеу жұмыстарын тоқтатпай, жаңа жол жобаларын қаржыландыруды жалғастыруға шешім қабылдады. Бұл жол-құрылыс материалдарын жеткізуге, жол жөндеу жұмыстарын жалғастыруға, объектілерді уақытылы іске қосуды қамтамасыз етуге, күш-жігерді қолданыстағы жұмыс орындарын сақтауға және жаңа жұмыс орындарын ашу үшін бағыттауға мүмкіндік берді.
Осындай жұмыстың нәтижесінде көлік инфрақұрылымын дамытуға 55,1 млрд.теңге бағытталып құрылыс, қайта құру 36,1 км күрделі жөндеу 30,5 км пайдалануға тапсырылып, 407,3 км жол орташа жөндеуден өтті.
Сонымен қатар, 327,6 км топырақ жолдарға шағал тастар төселіп, 21 км вело жолдар салынды. Одан бөлек, 520 аялдамалар жаңартылып, орнатылған.
Көлік кептелістерін болдырмау мақсатында аса маңызды жобалар Қонаев даңғылы, А-2 автожолын қайта құру, Оңтүстік және Шығыс айналма жолдары, Рысқұлов-Қонаев, Бәйдібек би — Арғынбеков жол айрықтары құрылыстары жүргізілуде. Нәтижесінде, жақсы және қанағаттанарлық жолдардың үлесі 56,5%-дан 63,6%-ға жеткен.
Қоғамдық көлікті жаңарту бойынша да атқарылған жұмыстар мақтанарлықтай.Қалада жолаушылар көлігін дамытудың кешендік схемасы бекітіліп, 590 автобустар алынып, қоғамдық көліктердің 90% жаңартылды.
Әлеуметтік мәні бар 64 автобус бағыттары ашылып, тасымалдауды субсидиялауға 18,5 млрд.теңге бөлінді.
Жеке инвестициялар есебінен электрондық төлем жүйесі енгізілді.
Қала тұрғындары мен қонақтарына қала ішінде жүруіне қолайлы жағдайлар жасау, қолжетімді көлік ретінде 40 дана станциясы бар 160 автоматтандырылған вело прокат орнатылды.
Сонымен қатар, 60 станциясы бар 1000-ға жуық электросамокат орнатылды.
Қала аумағындағы жолаушыларға жағдай жасау үшін 250 қоғамдық көлік аялдамаларын жаңартылды.
Мұның барлығы да қала тұрғындарының игілігі үшін атқарылып отырған оң тірліктер.
«NEWQAZAQ.KZ» ақпараттық порталы.
