Бүгін Түркістан облысы қоғамдық даму басқармасының басшысы Аңсар Өсербаевтың төрағалығымен жиын өтті. Жиынға басқарма басшысының орынбасарлары, бөлім басшылары және басқармаға қарасты «Ақпараттық талдау орталығы», «Жастар ресурстық орталығы» «Қоғамдық келісім» КММ-лері мен облыстық «Рухани жаңғыру» жобалық кеңсесінің басшылары қатысты.
Жиын барысында басқармаға қарасты мекеме басшылары жыл бойы атқарылған жұмыстар бойынша есеп берді. Сонымен қатар, салалар бойынша туындап отырған өзекті мәселелерді алға тартып, оларды шешу жолдарын ұсынды.
Жиынды қорытындылаған басқарма басшысы салалық бөлім мен мекеме басшыларына нақты тапсырмалар беріп, басқарманың 2022 жылға арналған жұмыс жоспарларын бекітті.
