Шымкент қаласының газ техникалық инспекция бөлімі төтенше жағдайлар және өндірістік қауіпсіздік департментімен бірлесе газбен қамтылмаған көпқабатты (жатақхана) үйлерді аралап, тұрмыстық баллонын пайдалануда қауіпсіздік шарасын сақтау бойынша түсіндірме жұмысын жүргізуде.
Бүгінде қаласы аумағында орталық газ жүйесіне қосылмаған 13 жатақхана бар. Мұндағы тұрғындар тұрмыстық газ баллонды пайдаланып келеді.
Тиісті сала мамандары бүгін Еңбекші ауданында Қаратөбе тас жолы № 34 үй мен Сарымолдаев көшесі №1Б үйлердің (жатақхана)тұрғындарымен кездесіп қауіпсіздік туралы түсіндіріп, жадынамалар тарқатты.
Газ техникалық инспециясының өкілдері газ баллондарды арнайы мекемелерден келісім шарт негізінде сатып алуға кеңес береді.
Бүгінде тұрмыстық баллонын автогаз құю бекетінде толтыру өзекті мәселе болып отыр. Жанармай құю бекетінде газ баллонының техникалық жарамдылығын тексермейді. Сондай-ақ, газ баллонды толтыру нормасы да сақталмайды.
Сонымен қатар, газ баллонын автогаз құю бекетінде толтыру – заңсыз әрекет және ол үшін әкімшілік жауапкершілік қаралған.
Шымкент қаласы әкімдігінің баспасөз қызметі
