Нашақорлар бір түйір есірткі үшін отбасын ойрандап, ұрлыққа бару, тонау, тіпті адам өлтіру сияқты құқықбұзушылықтарға дейін барады. Сондықтан онымен күресті жан-жақты жүргізу ғана нәтиже бермек.
Шымкент қаласының Полиция департаменті Әл-Фараби аудандық Полиция басқармасына қарасты №31 УПП учаскелік полиция инспекторы полиция майоры Оспанов Нұрлан Құрбанұлы нашақорлықтық алдын алу мақсатында Шымкент қаласы, Айбергенов көшесі бойындағы тұрғын үйлердің қабырғаларында есірткі жарнамаларын жоюда. Айта кетейік, миллионды қала – Шымкентте Полиция депараменті тарапынан есірткі жарнамаларын жою жұмыстары ұдайы жүргізіліп келеді.
Сол сияқты Шымкент Ішкі істер департаментінің есірткіге қарсы бөлімінің қызметкерлері жастарды есірткіге елтуден сақтандыру мақсатында №33 жалпы білім беретін орта мектеп оқушыларымен кездесті. Бұл іс-шараға Қалалық жүйке саулығы орталығының дәрігер-наркологі Б. Сағындықова да қатысты.
Полиция қызметкерлері темекі шегудіңғ спиртті ішімдік ішудің, есірткі қолданудың қаншалықты зияндығы мен адам өміріне кері әсерлері жайында лекция оқып, әңгімеледі. Әсіресе, есірткіге елтіп нашақорлыққа берілу жеке өмірін өксітумен бірге отбасының шағырағын шайқалтып, қоғамда құқықбұзушылық әрекет жасауға дейін алып келетінін де егжей-тегжейлі түсіндіріп, жасөспірімдерді сақтандырды.
