Шымкенттік полицейлер 16 тұрғынға мемлекеттік бағдарламамен ақша алып беремін деп, алдап соққан азаматшаны ұстады. Адамдарды сеніміне кіріп алып, алдау арқылы алаяқтық жасау да заң бойынша жазаланатын құқықбұзушылық ретінде жазаланады.
Абай ауданы Полиция басқармасына Шымкент қаласының 16 тұрғыны арызданған. Онда, белгісіз тұлға мемлекеттік бағдарлама арқылы қайтарымсыз ақша қаражатын шығарып беремін деп, 25 000 мен 105 000 теңге аралығында ақшалай қаражаттарын сеніміне кіру арқылы алып, алған ақшаларын қайтармай жүргені жайында арызданған болатын. Аталған жайт негізінде ҚР ҚК-нің 190-бабы (Алаяқтық) бойынша сотқа дейінгі тергеп-тексеру бірыңғай тізіліміне тіркелді. Абай АПБ-ның қызметкерлерімен жедел іс-шараларын жүргізу барысында жергілікті жердің тұрғыны анықталып, басқармаға жеткізілді. Күдікті азаматша тұрғындардан алаяқтық жолмен алған ақшаларын өзінің бас пайдасына жаратып қойғанын мойындаған. Қылмыстық іс сотқа жолданды. Осы орайда, Шымкент қаласының полицейлері азаматтарға абай болуға және бейтаныс азаматтарға ақша бермеуге кеңес беруі құқықбұзушылықтың алдын алу деп есептейміз.
