Қазақстан Республикасы Ішкі істер министрінің нұсқауына сәйкес, Шымкент қаласында «Учаске» жедел-профилактикалық іс шарасы өткізілуде. Іс шараның мақсаты – көпқабатты үйлердің әрбір пәтерін, аулаларды, жеке үйлерді аралап, онда тұрып жатқан адамдар жайлы ақпарат білу және азаматтардың қолындағы қарудың заңдылығын, ішкі істер органдарында есепте тұратын тұлғаларды тексеріп, олармен профилактикалық жұмыстар жүргізу болып табылады.
Аталған іс шара барысында Абай ауданы №1 УПП учаскелік полиция инспекторлары тұрғын үйлерді аралап, түсіндіру жұмыстарын жүргізді. Іс-шара барысында учаскелік полиция инспекторлары өздеріне тиесілі аумақтардағы көпқабатты үйлердің пәтерлері мен жеке сектор үйлерін аралап, онда тұрып жатқан азаматтар туралы мәлімет жинауды бастады. Сол сияқты Қаратау ауданы №57 және №58 УПП учаскелік полиция инспекторлары да өздеріне тиесілі аумақтардағы көпқабатты үйлердің пәтерлері мен жеке сектор үйлерін аралап, онда тұрып жатқан азаматтар туралы мәлімет жинауға кірісті.
Ағымдағы жылдың 1-ші желтоқсанына дейін жалғасатын бұл іс-шараның басты мақсаты –қоғамдағы құқық бұзушылықтың алдын алу, тұрмыстық және басқа да құқық бұзушылықтардың орын алуына жол бермеу болып табылады.
