Мемлекеттің Жастар саясатын жүзеге асыруда Шымкент қаласының әкімдігі көп жұмыстар жасауда. Соның бірі қаладағы жас отбасылары көп тұратын көпқабатты тұрғын үйлердің ортақ алаңдарына балалар алаңшалары жасалып, балалар мен жастардың салауатты өмір сүруіне, спортпен айналысуына, демалуына жағдай жасауда.
«Нұрсәт» шағын ауданында 10 үйге ортақ алаң абаттандырылып, көгалдандырылуда. Бір кешенді құрайтын тұрғын үйлер 2019-2020 жылдары әлеуметтік тұрғыда осал топтарға жататын отбасылар мен жастарға берілген болатын. Аулада заманауи үлгідегі балалар алаңшалары мен жаттығу тренажерларын орнату бастамасы іске асырылуда. Жасыл желектер отырғызылып, оларға су жеткізу жүйесін орнату жұмыстары атқарылған.
Тұрғындарға жайлы өмір сүру ортасын қалыптастыру мәселесі қала басшылығының тұрақты бақылауына алынған. Бұл нысанға қала әкімінің аппарат басшысы Ғ.Мәуленқұлов пен Қаратау ауданының әкімі А.Әліқұлов арнайы барып, абаттандыру жұмыстарын жүргізудің жүйелі тәртібін іске асыру, өмір сүруге жайлы орта қалыптастыруда тұрғындардың талап-тілегін орындау және қала тіршілігін заманауи үлгіде дамыту шеңберінде қала әкімі Мұрат Әйтенов берген тапсырмалардың іске асырылуын қадағалады.
