Қаламыздағы Абай атындағы орталықтандырылған кітапханалар жүйесінде Сыбайлас жемқорлыққа қарсы іс-қимыл агенттігі мен Мәдениет және спорт министрлігінің бастамасымен «Парасат жолы» жобасын іске асыру мақсатында «Алаяқтық түбі – абақты» атты дөңгелек үстел ұйымдастырылды.
Аталған іс-шараға Шымкент қаласы Гарнизоны Әскери бөлімінің аға офицері, сыбайлас жемқорлыққа қарсы әрекет ету жөніндегі капитаны Ербол Айтбаев, Шымкент қаласының Әділет департаменті Құқықтық түсіндіру және халыққа заңгерлік көмек көрсету бөлімінің басшысы Абдуллаева Айгерім Алкеновна, Шымкент ҚПД Әл-Фараби аудандық полиция басқармасының кадр саясаты бөлімшесінің аға инспекторы, полиция аға лейтенанты Буриханов Ислам Умарович мырза қатысты.
Дөңгелек үстел барысында сала мамандары сыбайлас жемқорлық қоғам үшін қаншалықты деңгейде қауіпті екендігі және оның алдын алу жайлы түсіндірме жұмыстарын жүргізіп, оқырмандар тарапынан қойылған сұрақтарға жауап берді.
«Жемқорлық қоғам дерті» тақырыбында арнайы әзірленген бейнеролик көрермен назарына ұсынылды.
«Newqazaq.kz» ақпараттық порталы.
