Күні кеше ғана ауыл әкімдерінің сайлауы өтті. Мемлекет басшысы айтқандай бұл демократиялық дамудың көрінісі ғана емес халықтың өзін өзі басқаруын қамтамасыз етудегі нақты қадамдардың басы деуге болады. Сол сияқты қалалы жерлердегі көпқабатты үйлерде де сол үйдің тұрғындарының өзін өзі басқарып, ортақ үйді бірлесіп пайдалануын қамтамасыз ету үшін егемендік алғалы тұрғын үйлерді бірлесіп басқарудың бірнеше нұсқасы енгізілді. Бүгінде сол басқарудың жаңа жетілдірілген нұсқасы тұрғындарға түсіндірілуде.
Қаратау ауданының әкімі А.Әліқұлов Нұрсәт шағын ауданын аралап, тұрғындармен кездесті. Кездесуде аудан әкімі көп қабатты үй тұрғындарына жаңа басқару нысанына көшудің маңыздылығы мен ерекшеліктерін түсіндірді. Бүгінге дейін Қаратау ауданында 9 меншік иелерінің бірлестігі және 124 жай серіктестік құрылған.
Аудан басшысы көп қабатты үйлерге сервистік қызмет көрсетуші мекеме өкілдеріне үйлердің, ауланың тазалығы бойынша тұрғындармен бірлесіп жүйелі жұмыстар жүргізуді тапсырды. Осы орайда, А.Әліқұлов қала тазалығына тек қызмет көрсетуші мекемелер ғана емес, әрбір тұрғынның да тікелей жауапты екенін атап өтті.
Шымкент қаласындағы көп қабатты тұрғын үйлер басқарудың жаңа нысанына — МИБ (мүлік иелерінің серіктестігі) жəне ҚС (қарапайым серіктестік) сияқты түрлеріне көшуде. Олар бір көппәтерлі тұрғын үй пәтерлерінің, тұрғын емес үй-жайларының меншік иелері құрған, кондоминиум нысанын басқаруды жүзеге асыратын, оны күтіп-ұстауды қаржыландыратын және оның сақталуын қамтамасыз ететін, «бір үй- бір ММИБ/ЖС- бір есепшот» принципіне негізделіп жұмыс жасайтын болады.
«Newqazaq.kz» ақпараттық порталы.