Президент Қасым-Жомарт Тоқаев Жолдауында да және Тәуелсіздігіміздің 30 жылдық мерейтойын өткізуге арналған комиссияның 5 ақпандағы бірінші басқосуында сөйлеген сөзінде де халыққа жайлы өмір сүруге мүмкіндік жасау керектігін айтты. Ол «Тәуелсіздік мерейтойын даңғаза, ысырапшылдықпен тойлаудың зияндығын, қайта қарапайым халық күнделікті тұрмысында егемендігіміздің игіліктерін сезінетіндей етіп тойлауды ұсынған болатын.
Соған орай Шымкент қаласының әкімдігі биылғы мерейтойлы жылы қаладағы тұрғын алаптардың инфрақұрылымын жетілдіріп, тұрғындарға сапалы ауызсу, табиғи газ, электр мен сапалы жол салу жағына көп көңіл бөлуде. Мегаполисімізде инфрақұрылым жүргізу барлық аудандар мен шалғай тұрғын алаптарда, көпқабатты жаңа үйлер аумағында жүргізілуде.
Шымкент қаласында қазіргі уақытта 81 елдімекеннің 40-ы табиғи газбен толық, 33 елдімекен жартылай қамтылған. Ал 8 елдімекен — Тұран, Көкбұлақ, Ақтас, Батыс, Қайнарбұлақ, Тәуелсіздік 20 жыл, Айкөл, Сәуле 276 орам елдімекендері газбен қамтуды қажет етеді. Қала тұрғындарын көгілдір отынмен қамту мақсатында 18 нысанның құрылыс жұмыстары жүргізілуде.
2021 жылдың соңына дейін АГРС-3 нысанның құрылыс жұмыстары аяқталады. Аталған нысан іске қосылған соң, қаладағы әлеуметтік, кәсіпкерлік және өндірістік нысандар сапалы және үздіксіз табиғи газбен қамтамасыз етілетін болады.
Сондай-ақ, жыл соңына дейін 5 елдімекенде құрылыс жұмыстары аяқталады. Оның нәтижесінде, Азат, Асар-2, Достык, Бадам-195 орам және Алтынтөбе елдімекендеріндегі 11 мыңнан астам тұрғынның табиғи газға қолы жетпек.
Жыл соңында қала тұрғындарын көгілдір отынмен қамту көрсетшісі 93%-ға жетеді.
«Newqazaq.kz» ақпараттық порталы.
