Мемлекет басшысы Қ.Тоқаев халықтың жайлы да сапалы өмір сүруін қамтамасыз етуді тапсыра келіп, бұл істе озық технологиялар мен цифрландырудың жетістіктерін халықтың күнделікті тұрмысына енгізу үшін инвестиция тартуды ұсынған. Өйткені, Президенттің «Жаңа жағдайдағы Қазақстан: іс-қимыл кезеңі» Жолдауында пандемиялық жағдай көп нәрсені қайта пайымдап, жаңаша өмір сүруге бейімделуді талап етеді. Бүкіл әлем сияқты жаңа жағдайда жаңаша өмір сүруге халықты бейімдеп тұрмыс деңгейін көтеру керек, делінген.
Тұрғындардың өмір сүру сапасын жақсарту мақсатында Әл-Фараби ауданында жолаушылар хабы саналатын 10 нүктеге «ноу-хау» аялдамалар салынбақ. Жаңа үлгідегі аялдамалар демеушілер тарапынан пайдалануға беріледі.
Осыған орай аудан әкімі Рашид Мыңбаев инвесторлармен кездесіп, құрылыс жоспарын пысықтады. Басты мақсат қала тұрғындары мен қонақтарына жайлы жағдай жасау. Қоғамдық орындардағы қауіпсіздікті қамтамасыз ету үшін аялдамаларға бейнебақылау камералары орнатылады.
Сондай-ақ, жолаушылардың ең басты қажеттіліктері саналатын желдеткіш пен тегін wifi, телефон қуаттағыш құрылғысы, көлік бағыттарын көрсететін жол картасы да қойылады. Сандық жүйеге негізделген мұндай қызмет түрлерінің аялдамада қолжетімді болуы тұрғындардың уақытын үнемдеуге де мүмкіндік береді.
Жаңа үлгідегі аялдамалар алдағы айда ел игілігіне беріледі деп жоспарлануда.
«Newqazaq.kz» ақпараттық порталы.
