Өз Жолдауында Президент «Әділетті мемлекет» құру тұжырымдамасы. Азаматтардың мәселелерін тыңдап, көріп қана қою жеткіліксіз. Ең бастысы – дұрыс және әділ шешім шығару қажет. Азаматтар мүддесіне қызмет ететін мемлекеттің жаңа стандарттарын әзірлеу үшін көп жұмыс атқаруымыз керек. Осы тұрғыда құқық қорғау және сот жүйелеріне негізгі рөл жүктеледі» деген болатын. Яғни, құқық қорғау органдары азаматтар мүддесіне жұмыс жасап, дұрыс та әділ шешім шығаруы қажет.
Таяуда Шымкент қаласы Абай ауданына қарасты Тәуелсіздікке 20 жыл тұрғын алабының тұрғындарынан Бадам өзенінің жұмыстарына байланысты өтініш келіп түскен болатын. Осыған сәйкес аудан әкімі аппаратының ұйымдастыруымен аудандық прокуратура, полиция және қалалық жайлы ортаны дамыту басқармасының қызметкерлерінің қатысуымен жергілікті тұрғындармен кездесу өтті.
Кездесу барысында Бадам өзенінен тас алу мәселесі талқыланды. Тұрғындардың айтуынша алаптағы жұмыс істеп жатқан карьер жер асты суының төмендеуіне әсерін тигізуде. Осыған орай құдықтан су ішіп отырған тұрғындар сусыз қалып отыр.
Тұрғындардың көтерген мәселесіне орай Жайлы ортаны дамыту басқармасының тарапынан карьерде жұмыс жасап жатқан мекемемен келісімшарт бұзылды. Осыған сәйкес, тиісті мекемелердің тексеру жұмыстары аяқталғанға дейін Бадам өзенінен тас алу жұмыстары тоқтатылды.
Алдағы уақытта заңға сәйкес шешім қабылданып, прокуратура тарапынан қадағаланатын болады. Осылайша мегаполис құқық қорғаушылары халықтың үніне құлақ асып қана қоймай, дұрыс шешім шығарды.
