Мемлекет басшысы Қ.К.Тоқаев «Жаңа жағдайдағы Қазақстан: іс-қимыл кезеңі» атты Қазақстан халқына Жолдауында: «Үкіметке «Атамекен» ұлттық кәсіпкерлер палатасымен бірлесіп және депутаттық корпусты тарта отырып, Салық кодексін және заңға сәйкес актілерді егжей-тегжейлі қайта қарауды тапсырамын. Мақсатымыз – салықтық міндеттемелерді орындауды барынша жеңілдету және салықтар мен өзге де төлемдердің санын азайту» деп нақты тапсырмалар берген болатын.
Осы тапсырмаға сәйкес ҚР Қаржы министрлігінің Мемлекеттік кірістер комитеті халық пен бизнестің мемлекеттік кірістер органдарымен өзара іс-қимылына қолайлы жағдай жасау мақсатында тұрақты негізде мемлекеттік қызметтердің сапасын арттыруға бағытталған жұмыстар жүргізуде. Қазақстандықтар кез келген салықты электронды түрде төлей алады. Елімізде осыған байланысты eSalyq мобильді қосымшасы арқылы «Салық әмияны» қызметі іске қосылды.
«Esalyq mobile» мобильді қосымшасы өте қарапайым және қолдануға ыңғайлы, ең бастысы көптеген пайдалы және қажетті мүмкіндіктерге ие, мысалы: жеке тұлға және дара кәсіпкердің салықтарын төлеу; артық төлемді басқару; бірыңғай жиынтық төлемді төлеу; жеке тұлға және дара кәсіпкердің алдағы төлемдерін қарау; салықтық және әлеуметтік төлемдер бойынша берешекті қарау; электрондық кезекті онлайн броньдау; мүлік салығы, жер салығы және көлік құралдары салығы бойынша салық салу объектілері бойынша деректерді қарау; салық салу объектілері бойынша мәліметтерді түзетуге және өзектендіруге жеке тұлғаның электрондық өтінімін беру мүмкіндігі; салық есептілігін табыс етуді тоқтата тұру (ұзарту, қайта бастау) туралы және салық есептілігін кері қайтарып алу туралы мәліметтерді қарау, салықтың, бюджетке төленетін төлемнің , өсімпұлдың артық төленген сомасын есепке жатқызу және қайтаруға салықтық өтініш беру мүмкіндіктері қарастырылған.
Р.БАЙБУЛЕКОВА,
Шымкент қаласы,
Абай ауданы бойынша МКБ-ның
есепке алу, талдаужәнеақпараттық
технологиялар бөлімінің басшысы.
