Бүгін Шымкент қаласы, Еңбекші ауданы аумағындағы Қаратөбе, Қарабастау тұрғын алаптарында кездесулер өткізіп, қоғамдық келісім мен жалпыұлттық бірлікті нығайту бағытында түсіндіру жұмыстарын жүргізді.
Кездесуге Достық үйі жанындағы Ақсақалдар кеңесі төрағасының орынбасары Б.Жалмұрзаев, қалалық «Дін мәселелерін зерттеу орталығы» КММ теолог маманы Р.Қыпшақбаев, Еңбекші ауданы әкімі аппаратының қызметкері А.Сүгірбаева, ауыл биі А.Кураев, сөз сөйлеп, өз ойларын жеткізді.
Кездесуде Қазақстан азаматтары арасында жалпыұлттық бірлікті, құқықтық қоғамдағы мәдени әралуандық пен этносаралық келісімді нығайту, жас буынның тәрбиесіне назар аудару, құқықтық мәдениеттi арттыру, азаматтар арасындағы өзара түсіністікті бекемдеу жайында пікірлер айтылды.
Жиын барысында қоғамдағы татулық пен тұрақтылықтың маңызына ерекше назар аударылды. Қатысушылар әрбір азаматтың қоғамдық келісімді сақтауға қосатын үлесі маңызды екенін атап өтті. Өзара сыйластық, бір-бірінің көзқарасына құрметпен қарау және ортақ құндылықтарды бағалау – берекелі қоғам қалыптастырудың негізгі шарттары.
Сонымен қатар жастар арасында отансүйгіштік қасиетті қалыптастыру, ұлттық құндылықтарды дәріптеу және азаматтық жауапкершілікті арттыру мәселелері талқыланды. Жас ұрпақтың бойына үлкенді құрметтеу, кішіге қамқор болу, қоғам алдындағы міндетін сезіну сияқты қасиеттерді сіңірудің маңызы айтылды. Өйткені отбасы тәрбиесі мен қоғамдық ортаның ықпалы жас буынның көзқарасы мен мінез-құлқының қалыптасуына тікелей әсер етеді.
Дін мәселесіне қатысты түсіндіру жұмыстары да кездесудің маңызды бағыттарының бірі болды. Теолог маман діни сауаттылықты арттырудың, ақпаратты саралап қабылдаудың және күмәнді діни ағымдардың ықпалына түспеудің маңызын түсіндірді. Азаматтарды діни мәселелерге қатысты ақпаратты сенімді дереккөздерден алуға және қоғамдағы өзара құрмет қағидаларын ұстануға шақырды.
Мұндай кездесулер тұрғындармен ашық пікір алмасуға, өзекті мәселелерді талқылауға және қоғамдағы бірлік пен ынтымақтың маңызын кеңінен түсіндіруге мүмкіндік береді. Қоғамдық келісімнің нығаюы әр азаматтың ортақ іске жауапкершілікпен қарауына, өзара сенім мен түсіністікті сақтауға байланысты.
Ынтымағы жарасқан елдің берекесі артып, даму жолындағы мүмкіндіктері кеңейеді. Сондықтан бейбітшілік пен тұрақтылықты сақтау, этносаралық татулықты қолдау және жалпыұлттық бірлікті нығайту – баршаға ортақ міндет.
ЫНТЫМАҚ – ЫРЫСТЫ ЕСЕЛЕЙДІ
