Түркістан облысында полицейлер құқық бұзушылықтардың алдын алу және қайталама қылмыстарға жол бермеу мақсатында профилактикалық есепте тұрған азаматтарды тұрғылықты мекенжайлары бойынша тексеру жұмыстарын жүргізуде.
Қазіргі таңда облыс аумағында шартты түрде мерзімінен бұрын босатылған 242 тұрғын мен әкімшілік қадағалауда тұрған 157 азамат бар. Полиция қызметкерлері олардың белгіленген талаптарды сақтауын бақылау бағытында жүйелі жұмыс атқаруда.
Бақылауды күшейту мақсатында шартты түрде мерзімінен бұрын босатылған, әкімшілік қадағалауда тұрған және сот шешімімен үйқамаққа алынған азаматтарға электрондық білезіктер тағылған. Бұл құрылғылар азаматтардың жүріп-тұруын бақылауға және сот белгілеген шектеулердің сақталуын қадағалауға мүмкіндік береді.
Полициямен жүргізілген тексерулер барысында белгіленген талаптарды бұзған шартты түрде мерзімінен бұрын босатылған 14 адам түзеу мекемелеріне қайта жіберілді. Профилактикалық есепте тұрған азаматтарды бақылау – Түркістан облысы полицейлерінің күн тәртібінен түскен емес.
Түркістан облысы ПД баспасөз қызметі
#Заңментәртіп
#ЗАКОНИПОРЯДОК
