Мемлекет тағдыры оның бүгінгі жетістігімен ғана емес, болашаққа қалдыратын берік негізімен өлшенеді. Ал сол негіздің ең маңызды тіректерінің бірі – заң мен мемлекеттілік қағидаттарының сабақтастығы.
Қазақстанның елдік келбетін айшықтайтын нышандардың бірі – Ақорда. Ол тәуелсіз мемлекеттің саяси өмірімен тығыз байланысты маңызды нысан ретінде елдің даму бағыты мен мемлекеттік басқару жүйесін танытады. Ақорда бейнесі егемен елдің тұтастығы мен мемлекеттілігінің көрінісін білдіреді.
Мемлекеттің ішкі құрылымы мен азаматтардың құқықтық мәртебесін айқындайтын негізгі құжат – Конституция. Ата Заң қоғамдағы өзара қарым-қатынастың басты қағидаларын белгілеп, адам құқықтары мен бостандықтарын қорғаудың құқықтық негізін қалыптастырады.
Елдік ұғымы осы екі бағыттың өзара байланысынан да көрінеді. Мемлекеттік институттардың қызметі заң талаптарымен үйлескенде ғана қоғамдық тұрақтылық пен құқықтық тәртіптің негізі қалыптасады.
Тәуелсіздікті нығайту – тек мемлекеттік деңгейдегі міндет емес. Ол әр азаматтың өз құқығы мен міндетін білуінен, заңды құрметтеуінен және ел алдындағы жауапкершілігін сезінуінен басталады.
Сондықтан Ата Заңды құрметтеу – мемлекетті құрметтеу, ал заң талаптарын сақтау – ел болашағына үлес қосудың маңызды көрінісі.
Нұрболқызы Шұғыла
