Оқи отырыңыз...
Сауран ауданының делегациясы Қытай Халық Республикасына жұмыс сапары барысында Сауан қаласына арнайы барып, өзара байланыс пен ынтымақтастықты дамыту бағытында бірқатар кездесулер өткізді.
Іссапар аясында аудан делегациясы Тарбағатай аумағында өткен «Шыңжаң – Тарбағатай – Бақты» халықаралық форумына қатысып, халықаралық әріптестікті нығайту және жаңа іскерлік байланыстар орнату бағытында келіссөздер жүргізді.
Форум барысында Сауран ауданының әлеуметтік-экономикалық және инвестициялық әлеуеті таныстырылып, өндіріс пен ауыл шаруашылығы салаларындағы ынтымақтастық мүмкіндіктері талқыланды.
Кездесулер нәтижесінде бірқатар перспективалы бағыттар бойынша келіссөздер жүргізілді. Атап айтқанда, полимерлі жабын материалдарын өндіру, ауыл шаруашылығына қажетті тыңайтқыштар шығару, мал шаруашылығын дамыту және мақтаны қайта өңдеу салаларындағы бірлескен жобаларды жүзеге асыру мүмкіндіктері қарастырылды.
Тараптар инвестициялық жобаларды іске асыру, өндірістік кооперацияны жолға қою, тәжірибе алмасу және өзара тиімді серіктестікті дамыту мәселелерін талқылады.
Сауран ауданының делегациясы үшін бұл жұмыс сапары халықаралық іскерлік байланыстарды кеңейтуге, инвестиция тарту бағыттарын нақтылауға және ауданның өндірістік әлеуетін арттыруға бағытталған маңызды қадам болды.
