2026 жылғы 7 тамызда Қазақстан Республикасы Орталық сайлау комиссиясының Төрағасы Н.М. Әбдіров жұмыс сапарымен Түркістан облысына келді. Сапардың басты мақсаты — алдағы 2026 жылғы 23 тамызғажоспарланған ҚР Құрылтайы сайлауының өңірде қалай ұйымдастырылып жатқанын көзбен көріп, жергілікті комиссия мүшелеріне әдістемелік көмек көрсету.
Төраға өз сапары барысында Түркістан қаласындағы №133 және №951, сондай-ақ Кентау қаласындағы №39 мен №44 сайлау учаскелерінің жұмысымен танысты.
Аталған учаскелерді аралау барысында Орталық сайлау комиссиясының басшысы олардың материалдық-техникалық базасын, соның ішінде дауыс беру кабиналарының, жәшіктерінің, оргтехниканың және қауіпсіздік талаптарының жай-күйін жеке өзі тексеріп шықты.
Сонымен қатар, учаскелік комиссия мүшелерімен әңгімелесіп, сайлаушылар тізімдерін нақтылау, бюллетеньдерді қабылдауға дайындық және халықпен кері байланыс орнату жұмыстарының барысымен жіті танысты.
Төраға сайлау күні келушілерге, әсіресе қария кісілер мен мүмкіндігі шектеулі жандарға максималды қолайлы жағдай жасау қажеттігін атап өтті.
