Қазіргі таңда Құрсай шағынауданындағы Қарашығанақ, Ақжазық және Әулиекөл-2 көшелерінде жолға асфальт жабындысын төсеу жұмыстары қарқын алып отыр. Жалпы, биылғы құрылыс маусымында тек орталық көшелерге ғана емес, шеткері орналасқан ішкі орам жолдарына да басымдық берілген.
Аталған жұмыстар бекітілген жұмыс кестесіне сәйкес кезең-кезеңімен орындалуда.
Қолға алынған бастама — тұрғындардың тұрмыстық жайлылығын арттырып қана қоймай, көлік қозғалысын оңтайландырып, шағынауданның келбетін жақсартуға бағытталған.
Тұрғындар тарапынан ұзақ жылдар бойы көтерілген мәселелер бүгінде нақты шешімін табуда.
