Бүгін Түркістан қаласында «Таза Қазақстан» республикалық экологиялық бастамасы аясында жалпықалалық сенбілік өтті. Тазалық шарасына мемлекеттік коммуналдық кәсіпорын және облыстық басқармалар мен департамент қызметкерлері белсенді қатысты. Сенбілікке жалпы саны 800-ге жуық адам қала тазалығына өз үлесін қосты. Сонымен қатар, сенбілікке 15 арнайы техника жұмылдырылды.
Сенбілік барысында Отырар тұрғын алқабында шөптер шабылып, аяқ жолдар сыпырылып, қоқыстар жиналды. Нәтижесінде 40 тоннаға жуық тұрмыстық және табиғи қоқыс қалдықтары шығарылды.
Түркістан облысының Өңірлік коммуникациялар қызметі
