Вашингтондағы Қазақстан елшілігі АҚШ-та депортация шешімі шыққан азаматтарға айыппұл мен санкцияларға ұшырамас үшін өз еркімен елге қайтуға кеңес берді. Елшілік бұл үндеуді ресми сайтында және әлеуметтік желілерде жариялады, деп хабарлайды BAQ.KZ.
Оқи отырыңыз...
Елшілік қазақстандықтарға CBP Home мобильді қосымшасы арқылы өз еркімен елге қайтуға болатынын атап өтті.
Елшіліктің түсіндіруінше, бұл жағдайда:
- АҚШ-та тапқан қаражатты сақтауға мүмкіндік бар;
- Құзырлы органдар тарапынан ұстау болмайды;
- Заңды түрде кейін АҚШ-қа қайта оралу мүмкіндігі сақталады.
Ал өз еркімен қайтудан бас тартқан жағдайда:
- Дереу депортация;
- Қатаң айыппұлдар – күніне 998 доллар, бес жылға дейін есептелуі мүмкін (айыппұл 1 миллион долларға дейін жетуі ықтимал);
- Қосымша 1000–5000 доллар көлемінде айыппұл;
- Жылжымайтын мүлікті тәркілеу қаупі;
- АҚШ-қа қайта кіруге тыйым салынады.
Елшілік отандастарды осындай жағымсыз салдарларды болдырмау үшін ұсынылған мүмкіндікті пайдалануға шақырады.
