АСТАНА. KAZINFORM — Қазақстандық каратэші Мөлдір Жаңбырбай Мысыр астанасы Каирдағы Премьер-лига турнирінде үздік шықты.
Фото: instagram.com/p/DIqssIm
Финалға дейін іркілмей жеткен Мөлдір 50 келіге дейінгі салмақта соңғы бәсекеде хорватиялық Эма Сгарделлиді тізе бүктірді.
Осылайша, әлем чемпионы М.Жаңбырдай қатарынан үшінші Премьер-лига жарысында жүлде алды. Бұған дейін ол Парижде қола, Ханчжоуда күміс алған еді.
Сөйтіп М.Жаңбырбай Премьер-лига санатындағы рейтингіде көш басындағы орнын нығайта түсті.
Еске сала кетейік, бұдан бұрын Түркиядағы турнирде Мөлдір Жаңбырбайдың чемпион атанғанын жазған болатынбыз.
https://kaz.inform.kz/news/kpl-astana-men-turan-ten-natizhege-kanagat-bldrd-bc4407
