Түркістан облысы кәсіпкерлер палатасы директорының орынбасарлары Кентау қаласындағы бірқатар кәсіпорындарға барып, олардың жұмысымен танысты. Кездесулер барысында кәсіпкерлердің өзекті мәселелері мен оларды шешу жолдары талқыланды.
«Эластополимет» ЖШС – резеңке бұйымдарын өндіретін кәсіпорын. Қазіргі таңда өнімдерін «Қазцинк» секілді ірі компанияларға өткізуде. Дегенмен, цехтің кей учаскелері 50% ғана қуаттылықпен жұмыс істеп тұр. Өнім өткізу нарығын кеңейту мақсатында облыстағы және Қазақстандағы инвестициялық жобалар аясында басқа кәсіпорындармен ынтымақтастық орнату бойынша ынтымақтастық орнату талқыланды.
«Кентау Полиметалл» ЖШС – полиметалл концентраттарын өңдеумен айналысады. Кәсіпорын толық іске қосылған, өндірістік ғимарат салынған, құрал-жабдықтар орнатылған. Дегенмен, өндірістік қалдықтарды уақытша сақтау үшін жер учаскесін бөлу мәселесі өзекті болып тұр.
«Medical Style» ЖШС – медициналық киімдер тігетін кәсіпорын. Кездесуде оқу орталығын ашу және кәсіпорынды одан әрі кеңейту мәселелері талқыланды.
Аудандарды аралаудың басты мақсаты – кәсіпкерлердің мәселелерін тыңдап, ұсыныстарын жинақтау және қажетті қолдау шараларын анықтау.
