Бүгін Келес аудандық жастар ресурстық орталығының мәжіліс залында Ақсақалдар кеңесінің жылдық жұмыс жоспарына сәйкес, Жергілікті жерлердегі діни экстремизм көріністерінің алдын алу мәселелері бойынша ақпараттық түсіндіру жұмыстарын жетілдіру жөніндегі ұсыныстарды қалыптастыру мақсатында сонымен қатар Мемлекет басшысы Қасым-Жомарт Тоқаевтың қатысуымен 2024 жылы наурыз айында Атырау қаласында өткен Ұлттық құрылтайдың үшінші отырысындағы ел болашағына қатысты маңызды өзекті мәселелерді түсіндіру мақсатында арнайы жиын өтті.
Кездесуге Келес аудандық Ақсақалдар кеңесінің мүшелері, Келес аудандық әділ билері кеңесінің мүшелері, Келес ауданының Ішкі саясат, мәдениет, тілдерді дамыту және спорт бөлімінің бас мамандары Оразымбетова Феруза Ахметқызы және Аширбаев Қалдыбек Батырұлы, Келес ауданының бас имамы Жорабай Дулатбаевпен аудандық бірнеше мешіттің бас имамдары қатысты.
Мәжілісті Келес аудандық Ақсақалдар кеңесінің төрағасы Лесбек Нұртаев ашып, жүргізіп отырды.
Жиында Келес ауданының Ішкі саясат, мәдениет, тілдерді дамыту және спорт бөлімінің бас маманы Оразымбетова Феруза Ахметқызы Ұлттық құрылтайдағы Президентіміздің айтылған әрбір мағыналы ауқымы кең мәселелерді іске асыру үшін жұмыстар атқаруға шақырып, өркениетті ұлт ең алдымен тарихымен, мәдениетімен, ұлтын ұлықтаған ұлы тұлғалаларымен, әлемдік мәдениеттің алтын қорына қосқан үлкенді-кішілі үлесімен мақтанатындығы туралы айтып өтті.
Келес ауданының Ішкі саясат, мәдениет, тілдерді дамыту және спорт бөлімінің бас маманы Аширбаев Қалдыбек Батырұлы және Келес ауданының бас имамы Жорабай Дулатбаев жергілікті жерлердегі діни экстремизм көріністерінің алдын алу мәселелері бойынша ақпараттық түсіндіру жұмыстарын жетілдіру жөніндегі ұсыныстарды қалыптастыру керектігін және елімізге дәстүрлі дінімізді насихаттап, болашақ жастарымыздың тәрбиесіне қатты мән беру керектігін айтты.
Жиын соңында сұрақ-жауаптарға кезек беріліп, жиналғандар тиісті деңгейде пікірлерін ортаға салды.
